विष्णु पौडेल सम्पत्ति शुद्धीकरण मुद्दामा पक्राउ; २० दिन थुनामा राख्न अदालतसमक्ष अनुमति मागियाे

काठमाडौं — पूर्वउपप्रधानमन्त्री र नेकपा एमालेका उपाध्यक्ष विष्णु पौडेललाई सम्पत्ति शुद्धीकरण सम्बन्धी अनुसन्धानका क्रममा प्रहरीले पक्राउ गरेको छ। सम्पत्ति शुद्धीकरण विभागले सोमबार उनलाई सुर्खेतबाट पक्राउ गरी काठमाडौँ ल्याएको हो।

प्रहरीले अनुसन्धानका लागि उनलाई २० दिनसम्म थुनामा राखेर थप अनुसन्धान गर्ने तयारी गरेको जनाएको छ। विभागले उनीविरुद्ध शङ्कास्पद कारोबार सम्बन्धी अनुसन्धान गरिरहेको छ। विशेष गरी व्यवसायी दीपक भट्टसँगको शङ्कास्पद कारोबारको विषयमा अनुसन्धान भइरहेको छ।

पौडेललाई सोमबार सम्पत्ति शुद्धीकरण अनुसन्धान विभागको पत्रको आधारमा सुर्खेतबाट पक्राउ गरिएको थियो। उनलाई वीरेन्द्रनगर नगरपालिका–३ स्थित शुभ होटलबाट पक्राउ गरी आज बिहान नै सड्क मार्गबाट काठमाडौँ ल्याइएको हो। पक्राउ परेसँगै उनको अनुसन्धान जारी रहेको र थप कारबाहीका लागि आवश्यक कदम चालिने बताइएको छ।

यो कदम नेपाली राजनीति र व्यवसायिक क्षेत्रमा उच्च सतर्कता र पारदर्शिता कायम गर्न आवश्यक रहेको विश्लेषकहरुले बताएका छन्। सम्पत्ति शुद्धीकरण सम्बन्धी अनुसन्धान अझै जारी रहेको र विषयसँग सम्बन्धित थप तथ्याङ्कहरू आवश्यक अनुसन्धानपछि मात्रै सार्वजनिक हुने अपेक्षा गरिएको छ।