मधेश प्रदेशको आगामी बजेट २०८३/८४ का समस्या समाधानका लागि कार्यदल गठन

जनकपुरधाम । मधेश प्रदेश सरकारले आगामी आर्थिक वर्ष २०८३/८४ का लागि ल्याएको ४१ अर्ब १३ करोड ८६ लाखको बजेटलाई लिएर विभिन्न समस्या र विवाद उत्पन्न भएका छन्। यस विषयमा समाधानका लागि प्रदेशसभा कार्यदल गठन गरिएको छ।

बजेट प्रस्तावमा प्रमुख प्रतिपक्षी जसपा नेपाल र जनता पार्टीले बटेज पुनर्लेखन र छानबिनको माग गर्दै प्रदेशसभा बैठकलाई अवरुद्ध गरेका थिए। यस क्रममा एकसाता अघि बैठक अनिश्चितकालीन लागि स्थगित भएको थियो।

प्रदेशसभाले गठन गरेको सात सदस्यीय कार्यदलमा जसपा नेपालबाट उपेन्द्र महतो, नेकपा एमालेबाट हरिनारायण महतो, नेपाली कांग्रेसबाट जंगीलाल राय, नेपाली कम्युनिस्ट पार्टी (नेकपा) बाट प्रमोद यादव, जनमत पार्टीबाट संजय यादव, संघीय समाजवादी पार्टीकी बिमला अंसारी र राप्रपाबाट सरिता ठाकुर सहभागी छन्।

सभामुख रामअशिष यादवले आजैदेखि कार्यविधि बनाउँदै कार्यदलले आफ्नो काम सुरु गर्ने जानकारी दिएका छन्। उनले आजको बैठकको सुरूमा नै कार्यदल गठनको जानकारी गराएका थिए।

सरकारले बजेटलाई पारित गर्न लचकता अपनाउँदै सहमति गरि कार्यदल गठन गरेको हो। मधेश प्रदेशको आर्थिक र विकासात्मक योजना र बजेटलाई पारदर्शिता र स्थिरता सुनिश्चित गर्न यस कार्यदलको भूमिका महत्वपूर्ण हुने अपेक्षा गरिएको छ। आगामी दिनमा यस कार्यदलले बजेटसम्बन्धी समस्या र विवादलाई समाधान गर्ने आशा गरिएको छ।