नेपालको पहिलो विद्यावारिधि डा. बाबुराम भुललाई नेपाल विश्वविद्यालयबाट प्रदान

काठमाडौं — नेपालको पहिलो विद्यावारिधि डा. बाबुराम भुललाई नेपाल विश्वविद्यालयले प्रदान गरेको छ। विश्वविद्यालयले पुस १६ गते उनलाई सम्मानित गर्दै विद्यावारिधि प्रमाणपत्र हस्तान्तरण गरेको हो।

नेपाल विश्वविद्यालयको व्यवस्थापन र कानु संकाय अन्तर्गत डा. भुललाई डक्टर अफ फिलोसपी इन डेभलपमेन्ट म्यानेजमेन्ट विषयमा विद्यावारिधि दिइएको हो। उनको अनुसन्धानले नेपालको सार्वजनिक सेवामा समावेशी शासन र संगठनात्मक प्रतिबद्धता सुधार्न महत्वपूर्ण भूमिका खेल्ने अपेक्षा विश्वविद्यालयले व्यक्त गरेको छ।

यस अवसरमा विश्वविद्यालय प्रशासनले भने, “पहिलो विद्यावारिधि प्राप्त गर्ने व्यक्तिका रुपमा डा. बाबुराम भुल हाम्रो विश्वविद्यालयको इतिहासमा महत्वपूर्ण स्थान राख्नेछन्। यसले विश्वविद्यालयले मानवीय संसाधन उत्पादन र अनुसन्धानमा आफ्नो प्रतिबद्धता देखाएको हो।”

नेपाल विश्वविद्यालयले २०७३ सालदेखि छुट्टै ऐनमार्फत सञ्चालनमा आएको हो। यसले स्नातकदेखि विद्यावारिधि तहसम्म स्वास्थ्य विज्ञान, प्रविधि, समाज विज्ञान, शिक्षा, व्यवस्थापन र कानुन संकायमा उच्चस्तरीय अध्ययन र अनुसन्धानको अवसर प्रदान गर्दै आएको छ।

यस उपलब्धिले नेपालको उच्च शिक्षामा नयाँ माइलक स्थापित गरेको मानिएकोछ। डा. भुलको यस सफलता नेपाली शिक्षाका लागि प्रेरणादायक उदाहरण बन्ने विश्वास व्यक्त गरिएको छ।