रत्ननगर उवा संघमा हानको नवनिर्वाचित समितिलाई बधाई तथा स्वागत

रत्ननगर, बैशाख ५ । रत्ननगर उद्योग वाणिज्य संघमा क्षेत्रीय होटल संघ चितवन सौराहा९हान०को नवनिर्वाचित अध्यक्ष सहित पदाधिकारी तथा सदस्यहरुलाई स्वागत तथा बधाई कार्यक्रम आयोजना गरिएको छ ।

रत्ननगर उद्योग वाणिज्य संघका अध्यक्ष शशंकर गिरीको अध्यक्षतामा भएको थियो । सो अबसरमा उनले संघका गतिविधिबारे जानकारी गराउद सौराहाको पर्यटन प्रवर्द्धनका लागि दुई संस्था बीच समन्वय र सहकार्य आवश्यक रहेको बताए ।

सौराहाको पर्यटन प्रवर्द्धनका लागि राष्ट्रिय स्तरमा ध्यानाकर्षण गर्न अगाडि बढाउनु पर्ने, कृषि र पर्यटन विकासमा निजी क्षेत्रले भूमिका खेल्नु पर्नेमा उनले जोड दिए ।

कार्यक्रममा संघका पूर्व अध्यक्ष ज्ञान बहादुर विसुरालले पर्यटकीय गन्तव्य सौराहालाई केन्द्र विन्दु बनाई पर्यटकहरुको बसाई अवधि लम्बाउन धार्मिक पर्यटन, कृषि पर्यटन अन्य पर्यटकीय क्षेत्रहरुको प्रवर्द्धन गरि अगाडि बढनु पर्नेमा जोड दिए ।

पूर्व अध्यक्ष राजेन्द्र कुमार श्रेष्ठले रत्ननगर उद्योग वाणिज्य संघको सहकार्यमा सौराहाको पर्यटन प्रवर्द्धनका लागि विगतमा सौराहा भ्रमण वर्ष आयोजना गरिएको भन्दै पर्यटन प्रवर्द्धनका लागि दुई संस्था बीच सहकार्य हुनुपर्ने बताए ।

क्षेत्रीय होटल संघ चितवन सौराहाका अध्यक्ष ओम प्रकाश पाण्डेले पर्यटकीय नगरी रत्ननगर नगरपालिकाको मूख्य आर्कषण कृषि र पर्यटन भएको कारण यस क्षेत्रको प्रवर्द्धनका लागि पूर्वाधार विकास, पर्यटन वसपार्क, बाटो हरियाली तथा सौराहा सभाहल निजी क्षेत्रले सञ्चालन गर्नु पर्ने बताए । उनले भैरहवाको बाटोका कारण पर्यटकहरुको आगमनका कमि भएको बताए ।

कार्यक्रममा रत्ननगर उद्योग वाणिज्य संघ र क्षेत्रीय होटल संघ चितवनका पदाधिकारी, कार्यसमिति र पूर्व अध्यक्षहरुको उपस्थितीुि रहेको थियो । कार्यक्रम संघका वरिष्ठ उपाध्यक्ष निराजन खनालले संचालन गरेका थिए भने धन्यवाद मन्तव्य वाणिज्य उपाध्यक्ष रामशरण नेपाल गरेका थिए ।