नाम अनुसारको काममा बिश्वासनियता राख्दै माखन भोग

महेश सिंह – लहान रोड नम्बर १ मा सञ्चालनमा रहेको ‘माखन भोग’ पछिल्लो समय मिठाई तथा खाद्य परिकारका पारखीको आकर्षणको केन्द्र बनेको छ। सफाइ, गुणस्तर र स्वादलाई प्राथमिकतामा राख्दै विभिन्न प्रकारका मिठाई तथा खाद्य परिकार उपलब्ध गराउँदै आएको माखन भोग स्थानीय ग्राहकदेखि मधेस प्रदेशका विभिन्न जिल्लाका उपभोक्ताको रोजाइमा पर्न थालेको हो।

रोशन अग्रवालले सामान्य अवस्थाबाट सुरु गरेको माखन भोगले अहिले सयौं प्रकारका मिठाई तथा खाद्य परिकार उपलब्ध गराउँदै आएको छ। ग्राहकको स्वास्थ्य र सन्तुष्टिलाई ध्यानमा राखेर स्वच्छ वातावरणमा गुणस्तरीय मिठाई उत्पादन तथा बिक्री–वितरण गर्दै आएको सञ्चालकको भनाइ छ।

माखन भोगमा विभिन्न स्वाद र प्रकारका मिठाई उपलब्ध हुनुका साथै गुणस्तरीय सेवा र सरसफाइमा विशेष ध्यान दिइएको छ। यही कारण लहानसहित सिरहा, मधेस प्रदेशका विभिन्न जिल्ला तथा उदयपुर र खोटाङलगायतका क्षेत्रबाट आउने ग्राहकका लागि समेत यो आकर्षणको केन्द्र बन्दै गएको सञ्चालक अग्रवालले बताए।

सानो लगानी र सामान्य अवस्थाबाट सुरु गरिएको व्यवसायलाई निरन्तर मेहनत, गुणस्तर र ग्राहकको विश्वासका आधारमा विस्तार गर्दै लगिएको उनले बताए। ‘ग्राहकको विश्वास नै हाम्रो मुख्य सम्पत्ति हो,’ अग्रवालले भने, ‘स्वच्छ, स्वादिलो र गुणस्तरीय मिठाई उपलब्ध गराउने प्रयास निरन्तर रहनेछ।’

मिठाईको स्वादसँगै सरसफाइ, गुणस्तर र सेवामा ध्यान दिएकै कारण माखन भोगले छोटो समयमै आफ्नो छुट्टै पहिचान बनाउन सफल भएको स्थानीय ग्राहकहरू बताउँछन्। लहानमा मिठाई तथा खाद्य परिकारका लागि माखन भोग रोजाइको गन्तव्य बन्दै गएको छ।