सिरहाको लक्ष्मीपुर पतारी गाउँपालिकामा खोला किनारमा ४० वर्षीया महिलाको शव भेटिए

सिरहा । सिरहाको लक्ष्मीपुर पतारी गाउँपालिकामा ४० वर्षीय रञ्जुदेवी यादवको शव भेटिएको घटनाले स्थानीयस्तरमा चासो र चकितपन पैदा गरेको छ। शव गाउँपालिकाको ५ र ६ को सीमास्थित सरस्वती खोलाको उत्तरी किनारामा भेटिएको हो।

स्थानीय व्यक्ति अजय यादवले भैंसी चराउँदै गर्दा शव देखेपछि परिवारका सदस्य र प्रहरीलाई सूचित गरेका थिए। घटनास्थल पुगेको प्रहरीले आवश्यक कानुनी प्रक्रिया पु¥याउँदै शव परीक्षणका लागि लहानस्थित रामकुमार उमाप्रसाद स्मारक अस्पताल पठाएको छ।

मृतकका बुबा हरिदेव यादवका अनुसार रञ्जुदेवी केही समयदेखि मानसिक समस्या सामना गर्दै आएकी थिइन्। उनी कहिले घरमा बस्ने र कहिले बाहिर हिँड्ने गरेकी थिइन। उनको माइती लक्ष्मीपुर पतारी–५ पथलगडामा रहेको छ।

प्रहरीका अनुसार घटनाको वास्तविक कारण अझै स्पष्ट भएको छैन। थप अनुसन्धान भइरहेको प्रहरीले जनाएको छ। यस घटनाले स्थानीय समुदायमा शोक र चिन्ता फैलाएको छ। प्रशासन र प्रहरीको टोली घटनाको थप छानबिनमा जुटेको छ भने शवको पोस्टमार्टम रिपोर्टका आधारमा थप खुलासा हुने अपेक्षा गरिएको छ।