बालेन साहको मधेश आन्दोलनका शहीदलाई श्रद्धाञ्जली, सालिकमा माल्यार्पण

सिरहा — राष्ट्रिय स्वतन्त्र पार्टी (रास्वपा) का वरिष्ठ नेता बालेन साहले मधेश आन्दोलनका शहीदहरूको सम्झनामा लहानस्थित शहीद सालिकमा माल्यार्पण गरेका छन्। उनले आन्दोलनका प्रथम शहीद रमेश महतोसहित विजय सहनी, प्रमोद सदाय, बेचन यादव र अनिष अन्सारीजस्ता शहीदहरूको श्रद्धाञ्जली अर्पण गरेका हुन्।

बालेन साहले जनकपुरधामस्थित जानकी मन्दिरमा बिहानै पूजा–अर्चना सम्पन्न गरेपछि लहान पुगेका थिए। त्यहाँ उनले शहीदहरूको शालिकमा माल्यार्पण गरे। कार्यक्रममा युवा तथा खेलकुद मन्त्री बब्लु गुप्ता र नेता अमरेशकुमार सिंह पनि सहभागी थिए।

मधेश आन्दोलनका क्रममा ज्यान गुमाएका शहीदहरूको सम्मानमा हरेक वर्ष माघ ५ गते ‘बलिदानी दिवस’ मनाइन्छ। यस अवसरमा गरिएको माल्यार्पणले शहीदप्रति सम्मान र आन्दोलनको ऐतिहासिक महत्वलाई स्मरण गराएको सहभागीहरूको भनाइ छ।

शहीदहरूको शालिकमा श्रद्धाञ्जली अर्पणपछि, बालेन साहसहितका नेताहरू आज जनकपुरधाममा आयोजना हुने सभामा सहभागी हुने कार्यतालिका रहेको जनाइएको छ। यस कार्यक्रमले मधेश आन्दोलनका शहीदहरूलाई सम्मान गर्न र आन्दोलनको महत्वलाई पुनः स्मरण गराउन मद्दत पुर्याएको छ।