डेढ क्विन्टल गाँजासहित एक युवक पक्राउ, मोटरसाइकल चालक फरार
- काठमाडौं ।
- सशस्त्र प्रहरीले सुनसरीको इनरुवा नगरपालिका–७ चाँदवेलाबाट डेढ क्विन्टलभन्दा बढी गाँजा बरामद गर्दै एक युवकलाई पक्राउ गरेको छ।
काठमाडौं । सशस्त्र प्रहरीले सुनसरीको इनरुवा नगरपालिका–७ चाँदवेलाबाट डेढ क्विन्टलभन्दा बढी गाँजा बरामद गर्दै एक युवकलाई पक्राउ गरेको छ।
बिहीबार बिहान चाँदवेलाबाट दक्षिणतर्फ जाँदै गरेको बा १५ च २१७३ नम्बरको स्कारपियो पिकअप र को २७ प ८३३१ नम्बरको मोटरसाइकल जाँच गर्ने क्रममा १ क्विन्टल ५३ किलो गाँजा भेटिएको सशस्त्र प्रहरी नायब महानिरीक्षक तथा प्रवक्ता मनिष थापाले जानकारी दिए।
सशस्त्र प्रहरी बल नेपाल, बोर्डर आउटपोष्ट साहेवगञ्जबाट खटिएको टोलीले प्लास्टिकको प्याकेटमा लुकाएर राखिएको गाँजा फेला पारेपछि स्कारपियोका चालक २० वर्षीय आदित्य चौधरीलाई नियन्त्रणमा लिएको प्रहरीले जनाएको छ। मोटरसाइकल चालक भने घटना स्थलबाट फरार छन्।
गाँजा नियन्त्रणका क्रममा सशस्त्र प्रहरीले एक राउण्ड हवाई फायर समेत गरेको थियो।
पक्राउ परेका चौधरीलाई बरामद गरिएको गाँजा, स्कारपियो र मोटरसाइकलसहित आवश्यक कारबाहीका लागि सम्बन्धित निकायमा बुझाउने प्रक्रिया जारी रहेको प्रवक्ता थापाले बताए।
प्रतिक्रिया
यो पनि पढौँ
यो पनि पढौँ
