धनुषामा ०.११ मिलिग्राम खैरो हेरोइन र एक सर्टगन सहित एक युवक पक्राउ

धनुषा – धनुषाको गणेशमान चारनाथ नगरपालिका–०३ श्रीरामपुरबाट एक युवकलाई खैरो हेरोइन र सर्टगनको तीन राउण्ड गोलीसहित पक्राउ गरिएको छ। विशेष सूचनाका आधारमा खटिएको प्रहरी टोलीले उक्त व्यक्तिलाई नियन्त्रणमा लिएको हो।

प्रहरीको अनुसन्धान टोलीले स्थानीय २० वर्षीय मुकेश दासलाई लागुऔषध र गोलीसहित नियन्त्रणमा लिएको हो। प्रहरीलाई प्राप्त सूचनाका आधारमा उनको घरमा छापा मार्दा लुकाइछिपाइ राखिएको अवस्थामा सर्टगनको तीन राउण्ड गोली बरामद गरिएको थियो। साथै, उनको शरीरको जाँच गर्दा उनले लगाएको ट्र्याकसुटको पाइन्टको खल्तीबाट ०.१११ मिलिग्राम खैरो हेरोइन पनि फेला परेको हो।

प्रहरीले सबै सामग्री जफत गरी मुकेश दासलाई हिरासतमा लिएर थप अनुसन्धान सुरु गरेको छ। यस घटनाको सम्बन्धमा आवश्यक थप कारबाही र अनुसन्धान जारी रहेको प्रहरी प्रवक्ता बताउनु भएको छ। यस घटनाले स्थानीय सरोकारवाला र सुरक्षा निकायहरूलाई सचेत गराएको छ।