जेनजीहरूमाथि आक्रमणको भर्त्सना, महेश बस्नेतलाई २४ घण्टा भित्र कानुनी कारबाहीको माग

काठमाडौं — केही दिनअघि सिमरा, बाराको शिमरामा एमालेले शान्तिपूर्ण प्रदर्शन गरिरहेका जेनजीहरूमाथि भएको सङ्घातिक आक्रमण र आज धनगढीमा युवामाथि भएको दोहोरो आक्रमणप्रति जेनजी समूहले गम्भीर ध्यानाकर्षण भएको बताएका छन्।

बुधबार, विभिन्न जेनजी समूहहरूले संयुक्त रूपमा विज्ञप्ति जारी गर्दै, उनीहरूले सरकार र एमाले नेतृत्वको मौनतालाई आलोचना गरेका छन्। विज्ञप्तिमा भनिएको छ, “हामीलाई स्पष्ट पार्न चाहन्छौं कि, जेनजीमाथि भइरहेको हमला केवल व्यक्तिगत आक्रमण होइन, यो खुल्ला युद्ध र लोकतान्त्रिक मूल्य–मान्यतामाथि गरिएको सुनियोजित ध्वंस हो। देशभरिका युवाहरू सुशासन, न्याय र पारदर्शिताको आवाज उठाइरहेका बेला, केपी ओली र महेश बस्नेतको नेतृत्वमा रहेको शक्तिशाली समूहले देशलाई हिंसातर्फ धकेलिरहेको छ।”

उनीहरूले थप भनिएको छ, “सुशीला कार्की नेतृत्वको सरकारको मौनता केवल कमजोरी होइन, यसले एमालेले जेनजीहरुमाथि गरेको गुण्डागर्दी र दमनलाई समर्थन गरेको संकेत हो। यदि हिंसा र दमन तुरुन्त रोकिएन भने, यसका जिम्मेवारी पूर्ण रूपमा सरकार र एमाले नेतृत्वले वहन गर्नुपर्नेछ।”

विज्ञप्तिमा भनिएको छ, “हामी स्पष्ट रूपमा भन्न चाहन्छौं, यदि जेनजीमाथिको दमन र हिंसा जारी रहने हो भने, हामी चुपचाप बस्ने छैनौं। सरकार र एमालेलाई यसको जिम्मेवारी थप्नु पर्नेछ।”

जेनजी समूहले सरकारले तुरुन्तै महेश बस्नेतलाई पक्राउ गरी २४ घण्टाभित्र कानुनी कारबाही गर्न जोडदार माग गरेको छ। उनीहरूले थप भनेका छन्, “हामीलाई विश्वास छ, यदि सरकारले आवश्यक कदम नचाले, भने हाम्रो संघर्ष अझ तीव्र र व्यापक हुनेछ।”

यो घटनाले देशभरी युवाहरु र नागरिक समाजको ध्यान आकर्षित गरेको छ। विभिन्न सामाजिक र राजनीतिक समूहहरूले हिंसाको निन्दा गर्दै, शान्तिपूर्ण आन्दोलन र लोकतान्त्रिक मूल्यलाई समर्थन गर्न आह्वान गरेका छन्।

अहिले, सरकार र राजनीतिक तहबाट यस विषयमा थप कदम र स्पष्टता आवश्यक भएको देखिन्छ, किनभने यस प्रकारको हिंसा र दमनले देशको स्थिरता र लोकतन्त्रलाई नै खतरा पुर्‍याउने सम्भावना देखिएको छ।