डोनाल्ड ट्रम्पको गुप्त हतियार प्रयोग: भेनेजुएलाको सैन्य प्रणाली निष्क्रिय बनाउने खुलासा

अमेरिका का राष्ट्रपति डोनाल्ड ट्रम्पले भेनेजुएलाका नेता निकोलस मादुरोलाई नियन्त्रणमा लिने क्रममा अमेरिकाले एक गोप्य हतियार प्रयोग गरेको खुलासा गरेका छन्। उनले आरोप लगाए कि सो हतियारका कारण भेनेजुएलाका सैन्य उपकरणहरू काम नगर्ने अवस्थाम पुगेका छन्।

एक अन्तरवार्तामा ट्रम्पले बताए कि उक्त हतियारका कारण भेनेजुएलाले प्रयोग गर्न तयार पारेका क्षेप्यास्त्र र अन्य सैन्य प्रणाली निष्क्रिय बनेको छ। उनका अनुसार, यी उपकरणहरू रूसी र चिनियाँ सहयोगमा तयार भएका थिए, तर बटन थिच्दा समेत काम गर्न सकेनन्।

यस अघि, मादुरोको निवास क्षेत्रमा गरिएको कारबाहीका क्रममा राजधानी काराकासका धेरै स्थानमा बत्ती निभेको ट्रम्पले बताएका थिए, तर त्यसको विस्तृत विवरण भने दिएका थिएनन्। राष्ट्रपति ट्रम्पले लागूऔषध तस्कर समूहविरुद्ध सैनिक कारबाही जारी राख्ने संकेत पनि गरे। उनका अनुसार, यस्तो कार्यवाही मध्य अमेरिका र मेक्सिकोसम्म फैलिन सक्नेछ।

अमेरिकाले हालै प्रशान्त महासागर क्षेत्रमा लागुऔषध तस्करीमा संलग्न एक डुङ्गामाथि आक्रमण गरेको थियो। मादुरो नियन्त्रणमा लिएको यो पहिलो सैन्य कारबाही हो। गत सेप्टेम्बरदेखि क्यारिबियन र प्रशान्त क्षेत्रमा भएको यस्ता सैन्य कार्यवाहीमा एक सयभन्दा बढी जनाको मृत्यु भएको जानकारी दिइएको छ।

अमेरिका ले भेनेजुएलासँग सम्बन्धित सातवटा तेल बोक्ने जहाज नियन्त्रणमा लिएको दावी गरेको भए पनि, ती जहाज कहाँ राखिएका छन् भन्ने विषयमा ट्रम्पले जानकारी दिन अस्वीकार गरे। अन्तर्वार्तामा, ट्रम्पले भेनेजुएलाका विपक्षी नेतृ मारिया कोरिना माचाडोले आफूलाई प्रदान गरेको नोबेल शान्ति पुरस्कार कहाँ राख्ने भन्ने विषयमा समेत सोचिरहेको बताए।

यसैबीच, आर्कटिक क्षेत्रको सुरक्षा सम्झौतासम्बन्धी विषयमा डेनमार्क र ग्रिनल्यान्डका नेताहरूले आफ्नो सार्वभौमिकता सम्झौताबाट प्रभावित नहुने स्पष्ट पारेका छन्।