बागलुङका पहिरोपीडितलाई हेलिकप्टरबाट राहत सामग्री पठाइयो, तस्बिरहरू

बागलुङ । पहिरोका कारण विस्थापित भएका बागलुङका नागरिकका लागि बजारबाट हेलिकप्टरमार्फत राहत सामग्री पठाउन थालिएको छ।

पहिलो चरणमा नेपाल रेडक्रस सोसाइटी बागलुङ, बागलुङ उद्योग वाणिज्य सङ्घ र जिल्ला प्रशासन कार्यालयको समन्वयमा नेपाली सेनाको नम्बर २३ बाहिनी अड्डा, उपल्लोचौरबाट राहत सामग्री पठाइएको हो।

गत शनिबार र आइतबारको भारी वर्षापछि खसेको पहिरोमा परी जिल्लाका विभिन्न गाउँपालिकामा १० जनाको मृत्यु भएको छ। निसीखोला गाउँपालिकामा पाँच, तमानखोला गाउँपालिकामा चार र ताराखोला गाउँपालिकामा एक जनाले ज्यान गुमाएका हुन्।

पहिरोका कारण सडक सञ्जाल अवरुद्ध भएपछि प्रभावित क्षेत्रमा राहत पुर्‍याउन कठिन भएको छ। त्यसैले विस्थापित परिवारसम्म सामग्री पुर्‍याउन सेनाको हेलिकप्टर प्रयोग गरिएको हो।

तस्बिर : डम्मर बुढामगर/नेपाल फोटो लाइब्रेरी