सप्तरीमा २० क्विन्टल गाँजा बरामद, दुई जना नियन्त्रणमा

काठमाडौं — सप्तरीको डाक्नेश्वरी नगरपालिका-६ फतेपुरबाट करिब २० क्विन्टल गाँजा प्रहरीले बरामद गरेको छ। गोप्य सूचनाका आधारमा जिल्ला प्रहरी कार्यालय सप्तरीबाट खटिएको टोलीले उक्त परिमाणको गाँजा घरमा भण्डारण गरी राखिएको अवस्थामा फेला पारेको हो।

प्रहरीले जानकारी दिएको अनुसार, टोलीले फतेपुर टोलमा रहेको भोला सदा र मंगल मुखियाको घरमा खोजी गर्दा ५६ पोका र ८ पोका गरी जम्मा ६४ पोका गाँजा जस्तो देखिने पदार्थ बरामद गरेको छ। बरामद पदार्थसहित दुवैजना नियन्त्रणमा लिएर जिल्ला प्रहरी कार्यालय सप्तरीमा ल्याइएको प्रहरीले जनाएको छ।

प्रहरीका अनुसार, घटनाबारे थप अनुसन्धान भइरहेको छ। यस घटनाले नशा विरुद्धको अभियानलाई थप तीव्रता दिने र नशा कारोबारको विरुद्ध कडा कदम चाल्ने तयारी भएको प्रहरीले जनाएको हो। यस प्रकारको ठूलो मात्रा गाँजा बरामदले नशा विक्रि र सेवन विरुद्धको अभियानलाई थप मजबुत बनाउने विश्वास गरिएको छ।