मोरङमा बालिका करणीका पीडितको पहिचान खुलाउने सञ्चारकर्मी पक्राउ

विराटनगर – अनुसन्धान कार्यमा प्रभावित पार्ने गरी समाचार सम्प्रेषण गरेको आरोपमा प्रहरीले मोरङको सुनबर्षी नगरपालिकाका एक सञ्चारकर्मीलाई पक्राउ गरेको छ।

मोरङको सुनबर्षी नगरपालिकामा एक बालिकामाथि सामूहिक जवरजस्ती करणी भएको घटनाको विषयमा ‘कोशी आवाज’ नामको अनलाइन मिडिया र फेसबुकमार्फत आफूलाई सञ्चारकर्मी बताउने चन्दन कुमार पासवानले पीडित बालिकाका परिवारका सदस्यहरूको परिचय खुल्ने गरी भिडियो समाचार प्रकाशन गरेका थिए।

पीडित बालिकाका आफन्तले दिएको उजुरीका आधारमा जिल्ला प्रहरी कार्यालय मोरङले साउन १३ गते उनलाई पक्राउ गरेको हो। प्रहरीले थप अनुसन्धानका लागि म्याद थप गरेको छ र जिल्ला प्रहरी कार्यालय रंगेलीबाट अनुसन्धान जारी रहेको जानकारी दिएको छ।

यस घटनाले सामाजिक सञ्चार माध्यम र समाचार सम्प्रेषणको जिम्मेवारी र नीतिप्रति बहसको ठाउँ बनाएको छ। प्रहरीको अनुसन्धान जारी रहँदै आएको छ।